Byltyr 1,5 myńnan astam sheteldik tasymaldaýshyǵa aıyppul salyndy
ASTANA. QazAqparat - 2017 jyly qazan aıynyń 11-nen jeltoqsan aıynyń 31-ne deıingi aralyqta elimizdegi kólikti baqylaý organdary 26 myń shetel avtokólik quralyn tekserdi, dep habarlaıdy QazAqparat QR IDM Kólik komıtetine silteme jasap.
Komıtet jyl saıyn ótkiziletin «Kóliktik baqylaý - otandyq tasymaldaýshylardyń múddesin qorǵaıdy!» atty aktsııany qorytyndylady. Shara barysynda kólikti baqylaý organdary 26 myń sheteldik avtokólikti tekserdi. Nátıjesinde QR Kólik zańnamasyn buzǵany jáne halyqaralyq kelisimderdi saqtamaǵany úshin 1 950 sheteldik tasymaldaýshy ákimshilik jaýapkershilikke tartyldy. Onyń 439-y ruqsattama júıesin buzǵandar. Bul qatarda 195 reseılik, 47 qyrǵyz, 40 lıtvalyq, 30 ýkraınalyq, 29 polshalyq, 28 túrik jáne 70 basqa tasymaldaýshy bar.
Jalpy, 2017 jyly halyqaralyq kelisim normalaryn jáne QR Kólik zańnamasyn buzǵan úshin 4 649 shetel tasymaldaýshysy jaýapkershilikke tartylǵan. Sonyń ishinde 1 674 tasymaldaýshyǵa ruqsattama júıesin buzǵandary úshin aıyppul salyndy.
