Buzylǵan bóget 20 adamdy aǵyzyp áketti
ASTANA. QazAqparat - Kenııada «Patel» (Patel Dam) bógetiniń buzylýy saldarynan kem degende 20 adam qaza tapty.
Bul týraly beısenbi kúni Daily Nation gazeti habarlady.
Basylymnyń deregi boıynsha, oqıǵa sársenbiden beısenbige qaraǵan túni Nakýrý okrýginde bolǵan. Tótenshe jaǵdaı saldarynan 300-den astam otbasy úılerinen aıyryldy.
Jergilikti bılik zalal deńgeıin áli anyqtamaǵan.
«Biz barlyq jergilikti turǵyndardy tolassyz jaýǵan jańbyr saldarynan bolǵan sý tasqynyna baılanysty abaı bolýǵa shaqyramyz», - degen Nakýrý gýbernatorynyń sózin keltiredi Daily Nation.
Kenııa Qyzyl Kresti habarlaǵandaı, 39 adam aýrýhanaǵa jetkizilgen.
