Buzaqynyń qolynan qaza bolǵan polıtseıge qurmet kórsetildi
KÓKShETAÝ. QazAqparat- Aqmola oblysynyń polıtseıleri qyzmet babymen opat bolǵan əriptesin eske aldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Eske sala keteıik, Təýelsizdik alǵan jyldan beri Aqmola oblysynda 34 polıtsııa qyzmetkeri opat bolǵan. Sonyń biri polıtsııa leıtenanty Serik Muhamedjanov buzaqylardyń qolynan qaza tapty. 2004 jyldyń 2 qarashasynda Atbasar aýdanynyń Sochınsk aýylynda mas eki adamnyń qoǵamdyq tərtipti buzǵany týraly habar túsedi. Oqıǵa ornyna dereý jetken Serik buzaqylardyń birin əkimshilik hattama toltyrý úshin polıtsııa ýchaskesine alyp keledi. Artynsha qolyna myltyq ustaǵan buzaqylardyń ekinshisi polıtsııa ýchastogine bas kóktep kelip, polıtsııa leıtenantyna oq atady. Osylaısha, Serik alǵan aýyr jaraqatynan kóz jumady.
Qaıtys bolǵannan keıin Serikke QR Prezıdentiniń Jarlyǵymen 2-shi dárejeli «Aıbyn» ordeni tapsyrylady. Marqumnyń artynda əıeli men eki balasy qalady. Osy kúni qyzy Əsııa əkesiniń izin jalǵap, ishki ister organdarynda qyzmet atqarsa, uly Tımýr kolledjde oqıdy.
Jaqynda Serik Muhamedjanovtyń qurmetine oraı Atbasar aýdandyq mədenıet úıinde kezdesý ótti. Oǵan aýdan əkimdigi, «Nur Otan» partııasy fılıalynyń ókilderi, ishki ister organdarynyń qyzmetkerleri jəne marqumnyń týǵan-týystary qatysty.
Shara barysynda bir mınýttik únsizdik jarııalanyp, jınalǵandarǵa «Təýelsizdikpen týǵan batyrlar urpaǵy» kórkem fılm usynyldy.
