Buzaqylar jol polıtseılerin soqqyǵa jyǵyp, qyzmettik kólikterin tartyp alǵan
ASTANA. 12 qyrkúıek. QazAqparat - Amýr oblysynda jol polıtseılerine shabýyl jasaǵan kúdiktiler ustaldy.
Bul týraly RF ІІM-niń saıtynda habarlandy.
11 qyrkúıek kúni Ivanovka-Kreşenovka tas jolynyń altynshy shaqyrymynda kezekshilik etken jol-patrýldik qyzmetiniń jasaǵy Toyota Vista kóligin toqtatpaqshy boldy. Alaıda onyń júrgizýshisi bul talapty elegen joq.
Polıtseıler sheteldik kóliktiń izine túsip, oǵan Kreşenovka aýylynda qýyp jetti. Onyń ishinde júrgizýshiden basqa eki jas jigittiń otyrǵany anyqtaldy. Budan basqa taǵy eki jan ustalǵandarǵa kómektesý úshin jaıaýlatyp jetken.
Olardyń arasynda urys-keris bastalyp, jol polıtseıleri tabeldik qarýdan eki ret oq atty. Biraq bul álgilerge áser etken joq. Jastardyń biri patrýldik kóliktiń ishine otyryp, izin sýytpaqshy boldy, biraq kóp uzamaı aǵashqa soǵyldy. Qalǵandary jol polıtseılerin soqqyǵa jyqty, jaraqattanǵan olar aýrýhanaǵa jatyzyldy.
Buzaqylar kóp uzamaı ustaldy, besinshi jigitti izdeý amaldary jalǵasýda.
