Buzaqylar «Býrabaı» MUTP aýmaǵyndaǵy pıknık alańyn qıratyp ketti
KÓKShETAÝ. KAZINFORM – Aqmola oblysynda belgisiz bireýler «Býrabaı» MUTP aýmaǵyndaǵy pıknık alańyn tas-talqan etip qıratyp, qoqystardy shashyp ketken.
«Býrabaı-Damý» JShS-niń málimetinshe, buzaqylardyń qolynan «Býrabaı» MUTP aýmaǵyndaǵy Úlken Shabaqty kóliniń jaǵasynda ornalasqan tegin pıknık alańy búlingen.
«Buzaqylar pıknık alańyndaǵy ústeldi qıratyp, jaǵyp jibergen. Oryndyqtarǵa da zaqym kelgen. Buǵan qosa, kúl-qoqysty shashyp ketken. Olardyń kim ekeni belgisiz», - dedi «Býrabaı-Damý» JShS-niń baspasóz qyzmetinen.
Búlinge pıknık alańy týraly foto, vıdeo áleýmettik jelide de jarııalandy. Onda buzaqylardyń qylyǵy jeli qoldanýshylardyń ashýyn týǵyzdy.
«Osyny jasap otyrǵan naǵyz aryz adam. Ózderi qoqysty shashyp tastaıdy da, artynsha kýrort las, tazalanbaıdy dep shýlaıdy. Kánililerdi quqyq qorǵaý organdary taýyp, aıaýshylyq jasamaı, qatań jazalýy tıis», - deıdi jeli qoldanýshylar.
Osy másele boıynsha Aqmola oblysy PD baspasóz qyzmetinen Býrabaı aýdandyq PB saýal joldaıtynyn aıtyp túsindirdi.
Aıta ketsek, budan buryn «Býrabaı» ulttyq parkinde týrıster úshin 45 pıknık aımaǵy qoljetimdi ekenin jáne onyń 10-y bıyl týrıstik maýsym aldynda ornatylǵanyn jazǵan edik.
