Búırek taýynyń eteginde zańsyz suńqar qus aýlaýmen aınalysqan tórt sırııalyq azamat ustaldy
ÓSKEMEN. Qyrkúıektiń 9-y. QazAqparat /Lıýdmıla Malko/ - Shyǵys Qazaqstannyń Kúrshim aýdanynyń polıtsııa qyzmetkerleri «Ańshylyqónerkásip» ınspekktorlarymen birlesip júrgizgen operatsııanyń barysynda Búırek taýynyń eteginde zańsyz qus aýlaýmen aınalysqan Sırııa Arab Respýblıkasynyń tórt azamatyn jáne Qazaqstannyń úsh azamatyn ustady.
Olardyń kólikterin tekserý kezinde Qyzyl Kitapqa engizilgen tiri 7 suńqar qus, 12 sadjı tuqymdas qus tárkilendi. Osy jerde sondaı-aq, qus aýlaý úshin paıdalanylǵan 18 kepterdiń denesi jáne eki tor tabyldy.
Júrgizilgen ornıtologııalyq saraptama tabylǵan qustardyń Qyzyl kitapqa engen qustar ekenin qýattady.
«Anyqtalǵandaı, sırııalyqtardyń biri, 38 jastaǵy azamat, tólqujatyn joǵaltyp alǵan bolyp shyqty, onyń qolynda Almaty oblysy Іle aýdandyq ishki ister bóliminiń anyqtamasy ǵana bolǵan. Al ustalǵan Qazaqstan azamattary (28-38 jastyń aralyǵynda) Almaty jáne Jambyl oblystarynyń turǵyndary bolyp shyqqan. QR Qylmystyq kodeksiniń 290-shy baby boıynsha qylmystyq is qozǵaý máselesi sheshilýde. Joǵalý qaýpi tónip turǵan qustardy zańsyz aýlaǵandary úshin úshin álgiler 3 jylǵa deıin bas bostandyqtarynan aırylýy múmkin.
