Býyny aýyratyndarǵa arnalǵan jaınamaz paıda boldy
ASTANA. 18 shilde. QazAqparat - NASA tehnologııasymen jasalǵan osynaý jaınamaz býyny syrqyraıtyndardyń syrqatyn jeńildetip, qan aınalymyn jaqsartady ári namaz oqyǵan adamnyń boıyndaǵy qýatyn arttyratyn qasıetke ıe ekenin aıta ketý kerek.
«Kanadalyq Timez5 kompanııasy adamnyń táni men janyn saýyqtyratyn osyndaı jaınamaz oılap tapty. Timez5 kompanııasynyń irgetasyn qalaǵan ári osynaý kompanııanyń bas dırektory Nader Sabrıdiń sózine qaraǵanda, namaz oqýǵa yńǵaıly jaınamazdyń osynaý túri álemde alǵash ret jasaldy ári tórt jylǵy zertteýdiń, tókken terdiń jemisi retinde musylmandardyń ıgiligine usynylmaq», - dep jazady muslim.kz.
Jańa tehnologııamen jasalǵan jaınamaz bes birdeı kúrdeli materıaldarmen qaptalǵan. Jaınamazdyń betki jaǵy mıkrotalshyqtan turady, kelesi úsh qaptamasy namaz oqyǵan adamnyń salmaǵyn bir qalypty ustap turýǵa, tepe-teńdigin saqtaýǵa kómektesedi. Sondaı-aq, namaz kezinde aıaqqa, tabanǵa, tizege, qara sanǵa, belge túsetin kúshti azaıtady.
Jaınamazda mıkrobqa qarsy qabat bar. Ol bakterııalarmen kúresedi.
«Keıbireýler oılaǵandaı, bul jaınamaz qarapaıymdylyqqa úndeıtin ıslamnyń qaǵıdasyna qaıshy kelmeıdi», - dep málimdedi Nádir Sabrı.
Jaınamaz ońtústik-shyǵys Azııada paıda boldy. Onyń salmaǵy 1,5 keli tartady. Onyń túsi de birkelki jáne onda sheksizdikti bildiretin ıslamı sýret bar. Onyń baǵasy - 270 dollar.
