Býınak mańynda jankeshti iske qosqan jarylǵysh qurylǵynyń qýaty 40 kıláǵa jýyq trotıl boldy
ASTANA. Qyrkúıektiń 5-i. QazAqparat - Búgin Býınak qalasynyń túbinde jankeshti iske qosqan jarylǵysh qurylǵynyń qýaty 40 kıláǵa jýyq trotıl boldy, dep habarlady RBK agenttigi.
Jedel qyzmet ókilderi jarylys ornynan jankeshti-lańkestiń máıiti qaldyǵyn tapty. Sondaı-aq avtomobıldiń tirkeý nómiriniń qaldyqtary men dvıgateli tabyldy.
Esterińizge sala keteıik, búgin máskeý ýaqytymen 01:00 saǵatta belgisiz adam «Jıgýlı» avtomashınasymen Býınak túbinde ornalasqan 136-shy motoatqyshtar brıgadasynyń áskerı bóliminiń qaqpasyna soǵyldy, ile-shala jarylys boldy. Lańkestiń shabýyly saldarynan 5 áskerı qyzmetshi qaza tapty, 39-y jaralandy. Birneshe saǵattan keıin jedel-tergeý brıgadasy lańkestik jasalǵan jerge bara jatqan jolda jarylǵysh qurylǵy iske qosylyp, ekinshi jarylys boldy. Ol jol jıegine qoıylǵan jáne mılıtsıonerler mingen mashına ótip bara jatqanda jaryldy.
