BUU Jol júrisi týraly konventsııa qabyldandy - Parlament
ASTANA. Jeltoqsannyń 11-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda «Birikken Ulttar Uıymynyń Jol júrisi týraly konventsııasyn ratıfıkatsııalaý týraly» Zańy qabyldandy,
dep habarlaıdy QazAqparat.
1949 jyldyń qyrkúıeginde Jenevada Jol júrisi týraly konventsııa jáne jol belgileri men sıgnaldary týraly hattama qabyldanyp, 1968 jyldyń qarashasynda Jol júrisi týraly konventsııanyń jańa mátinine qol qoıylǵan. Konventsııada oǵan qatysýshylardyń mindettemeleri anyq aıqyndalady. Máselen, ýaǵdalasýshy elder, bir jaǵynan óz aýmaǵynda qoldanylatyn Jol júrisi qaǵıdalaryn óz máni boıynsha konventsııa erejelerine sáıkes kelýine sharalar qabyldaıdy. Al, ekinshi jaǵynan, konventsııanyń talaptaryna saı keletin avtomobılder men tirkemelerdi óz aýmaqtarynda halyqaralyq jol júrýge jiberedi. Konventsııaǵa sáıkes berilgen tirkeý týraly kýálikter men júrgizýshi kýálikteri moıyndalady. Sondaı-aq, ýaǵdalasýshy taraptar Jol júrisiniń bir úlgidegi qaǵıdalary halyqaralyq jol júrisin jeńildetetinin jáne joldardaǵy qaýipsizdikti arttyratynyn moıyndaıdy.
Parlament qabyldaǵan zań Memleket basshysynyń qol qoıýyna jiberiledi.
