BUU janyndaǵy BAÁ elshisi bolyp tuńǵysh ret áıel adam taǵaıyndaldy
Beısenbi kúni BUU Bas hatshysy Pan Gı Mýn Uıymnyń Nıý-Iorktegi shtab-páterinde turaqty qyzmetke kelgen BAÁ dıplomaty Laný Nýsseıbeni qabyldady. Buǵan deıin L. Nýsseıbe BAÁ syrtqy ister mınıstrliginde ár túrli laýazymdy qyzmetter atqarǵan bolatyn.
Áńgime barysynda Pan Gı Mýn L. Nýsseıbeniń taǵaıyndalýyna joǵary baǵa berdi. Onyń pikirinshe, BAÁ kadr máselesindegi sheshimderi Ámirlik qoǵamyndaǵy áıel róliniń aıtarlyqtaı ekendigin kórsetedi.
«Taıaý Shyǵys aımaǵynda jáne álemdegi qaýipsizdik, qarýsyzdaný, adam quqyǵy jónindegi mańyzdy máseleler boıynsha bizdiń ózara qarym-qatynasymyzdy nyǵaıtý baǵytynda BUU-da BAÁ atynan qyzmet isteý - men úshin úlken qurmet» - dep jaýap berdi Ámirlik dıplomaty.
Óz málimdemesinde BAÁ syrtqy ister mınıstri sheıh Abdalla ben Zaıed Al Nahaııan L. Nýsseıbeniń BUU-ǵa qyzmetke taǵaıyndalýy Ámirlik pen Uıym arasyndaǵy yntymaqtastyqtyń sheshýshi mańyzǵa ıe bolyp otyrǵan sátine sáıkes kelgendigin aıtty. «Biz osy bir daǵdarys ýaqytynda BUU aradaǵy áriptestigimizdiń nyǵaıtylýyn taǵatsyz kútýdemiz», - dep málimdedi BAÁ SІM basshysy.
