BUU janynan ál-Farabıdi zertteıtin turaqty bólim ashý josparlanyp otyr

ASTANA. QazAqparat - Jahandyq máselelerdiń ýshyǵýy qazirgi álem damýynyń aıqyn sıpaty bolyp tabylady. Ekstremızm men lańkestiktiń qarqyndy taralýy, etnosaıası shıelenister, ekonomıkalyq daǵdarys pen qorshaǵan ortanyń lastanýy álemniń turaqty damýy men órkenıetti saqtaýǵa keri áser etip otyrǵany shyndyq.

El Prezıdenti N.Nazarbaev «Bolashaqqa baǵdar: rýhanı jańǵyrý» baǵdarlamalyq maqalasynda jańa jahandyq kezeń jaıly sóz ete kele,  «Qoǵamdyq sana jańǵyrýdyń negizgi qaǵı­da­laryn qalyptastyrýdy ǵana emes, sonymen birge, bizdiń zaman synaǵyna laıyqty tótep berýimizge qajetti naqty jobalardy júzege asyrýymyzdy da talap etedi» dep eskertti. Osy mańyzdy iste akademııalyq orta men ýnıversıtetterdiń atqarar róli zor.

Qyrkúıek aıynda Nıý-Iorkte (AQSh) BUU Bas Assambleıasynyń otyrysy qarsańynda BUU Órkenıetter Alıansi men ál-Farabı atyndaǵy QazUÝ «Ál-Farabı - órkenıet fılosofy» arnaıy sektsııasyn ashady. Bul týraly jýyrda BUU Órkenıetter Alıansiniń Joǵarǵy ókili Nasır Abdýlazız ál-Naserdiń ál-Farabı atyndaǵy QazUÝ-ǵa sapary barysynda kelisildi.

Bastamaǵa ál-Farabıdiń «...adamdar men halyqtardyń birigýi jáne ózara kómegi arqyly ǵana baqytqa jetýge bolady» degen basty ıdeıasy negiz bolǵan. Halyqaralyq joǵary deńgeıdegi kezdesý Shyǵystyń uly oıshyly Ábý Nasyr ál-Farabıdiń fılosofııalyq ıdeıalaryna jáne olardyń órkenıettiń damýyna tıgizetin yqpalyna arnalady. Búgingi tańda onyń dúnıetanymy men ıdeıalary asa ózekti jáne búkil adamzatqa jahandyq rýhanı daǵdarysty jeńýge jáne zamanaýı izgilikti qoǵam qurýǵa kómektese alady.   

Shara barysynda ál-Farabı eńbekterindegi beıbitshilik, qaıyrymdylyq pen adaldyq ıdeıalaryn jastar arasynda keńinen taratý men tanytý úshin ýnıversıtetterdi biriktirýdi maqsat etken «Іzgilikti qoǵam azamattaryn qalyptastyrý» halyqaralyq biregeı jobasynyń tusaýy kesiledi.

Shyǵys pen Batys fılosofııasyn baılanystyrýshy ál-Farabı muralarynyń tereń zerttelýi men nasıhattalýy - akademııalyq ortany jahandyq máselelerdi sheshý joldaryn izdestirý maqsatyna biriktirýge múmkindik beredi. Sondyqtan da BUU Órkenıetter Alıansi janynan ál-Farabıdi zertteý boıynsha turaqty bólim ashý josparlanýda. Qazir mundaı ál-Farabı ǵylymı ortalyqtary Ystanbul jáne Iordan ýnıversıtetterinde tabysty jumys isteýde.

BUU Órkenıetter Alıansi men QazUÝ ózara yntymaqtastyq týraly memorandýmǵa qol qoıyp, ıÝNESKO qoldaýymen 2020 jyldy - ál-Farabı jyly dep jarııalaý jáne álemdik deńgeıdegi uly oıshyldyń 1150 jyldyq mereıtoıy qurmetine sharalar ótkizý týraly bastamany usyndy.