BUU: Jańa jyldy súısinerlikteı ári paıdaly etip qalaı ótkizýge bolady

ASTANA. QazAqparat -Siz  Jańa jylda dostaryńyzǵa jáne týǵan-týystaryńyzǵa qandaı syılyq tartý etpeksiz? Eger bul máseleni áli sheshpegen bolsańyz, sizge Dúnıejúzilik  jabaıy tabıǵat jáne  Qorshaǵan ortany qorǵaý boıynsha  BUU baǵdarlamasy ǵalamshardy  búldirmeıtin merekelik syılyqtar jaıly aqyl-keńes bere alady, dep  jazady «Novostı OON». 

Árıne, ádemi oramaǵa salynǵan, jarqyraǵan lentaǵa baılanǵan syılyqtyń kóńildi bir serpiltetindigi anyq.

Biraq bul sizdi birneshe mınýt qana qýantady, artynan ony qoqys salatyn shelekke tastaıtyndyǵyńyz taǵy ras.

Jalpy, rojdestvolyq jáne jańajyldyq mereke kezeńinde qoqystar sany kúrt artady. Mysaly, AQSh  pen Eýropada shamamen 25-30 paıyzǵa kóbeıedi.

Al osy oraıda syılyqtyń unamdy bolýmen qatar ekologııalyq  jaǵyna nege kóńil aýdarmasqa. Atap aıtqanda, ónerge jaqyn jandarǵa operaǵa nemese kontsertke,  teatrdaǵy spektaklge nege bılet almasqa?

Sondaı-aq,  eger tarıhqa áýes bolsańyz, dos-jarandaryńyzben, qurbylaryńyzmen birge nege tartymdy jerlerge ekskýrsııa uıymdastyrmasqa.

Taǵy bir eske salar jaıt, eger balalarmen birge shyrshanyń sánin keltirer oıynshyqtar jasar bolsańyz utpasańyz utylmaısyz. Óıtkeni bul dúkennen satyp alǵannan góri olarǵa artyq qýanysh syılaıtyndyǵy sózsiz.

Eger siz Jańa jyldy tabıǵatqa zııany keltirmeıtindeı etip qarsy alsańyz, bul merekelik  kóńil-kúıińizdi odan ári kóteretindigi de shyndyq.