BUU jańa kıimdi kóp almaýǵa keńes beredi
«Kıim toly shkaf - ótken zamannyń belgisi. Eski kıimdi jańa tárizdi kııý «Kishkentaı qara kóılek» sekildi sánge aınalyp keledi. Biz sán ındýstrııasynyń ekologııalyq turǵyda taza bolǵanyn qalaımyz», -deıdi Parıj qalasynyń vıtse-meri Antýanetta Gı.
Sán ındýstrııasy óziniń aýqymdy óndiris kólemi arqyly klımattyń ózgerýine qarsy kúreske aıtarlyqtaı úles qosa alady. Bul salada 300 mıllıon adam jumys isteıdi jáne onyń jyldyq aınalymy 1,3 trln dollardan asady. Ekologııalyq qozǵalys belsendisi Loýrens Mıla Kanals óndiristik tizbektegi qorshaǵan ortaǵa zııan keltiretin protsesterdi anyqtaýǵa jáne shara qoldanýǵa shaqyrady. «Kıim shyǵarýdyń barlyq qatysýshylary toqyma ónerkásibindegi óndiris pen tabys protsesterin qaıta qarastyrýǵa jáne qorshaǵan ortaǵa zııandy ádisterden bas tartýǵa kúsh salýy kerek», - deıdi ol.
Al tutynýshylar ekologııalyq tazalyqqa úles qosý úshin az kıim satyp alýy tıis. Statıstıkaǵa sáıkes, adamdar bir kıimdi shamamen on ret kıedi. Árıne, elge jáne adamnyń áleýmettik jaǵdaıyna baılanysty bul kórsetkishter ózgerýi múmkin. ıÝNEP ortasha derekterdi usynǵan.
«Degenmen, jyl saıyn kıimge degen suranys eki paıyzǵa artyp otyrady, eki myńynshy jyldardyń basymen salystyrǵanda, bul kıimderdi úshten bir bóligine az kıemiz. Bul sán-saltanat úshin planetanyń qosymsha resýrstary jumsalady. Paıdalanylǵan kıimniń 87 paıyzy qoqysqa túsedi: álem boıynsha bir sekýndta tutas qoqys tasýshy kólikti kıimmen toltyrýǵa bolady. ıÝNEP kıim satyp alǵanda, ony uzaq kııý úshin materıaldyń sapasyna nazar aýdarýǵa keńes beredi. Sondaı-aq, kıilgen kıimderdi satyp alyp, jalyqtyrǵan kıimderdi «sekond hend» dúkenderge jiberý usynylady. Kıimdi muqııat kıip, zattardy sırek jýyp, kóp talshyqty shaıyp tastaıtyn untaqtyń ornyna kontsentrlengen arnaıy suıyqtyqpen jýý kerek», - delingen BUU habarlamasynda.
