BUU jańa Bas hatshysy ózin alańdatqan máselemen bólisti

ASTANA. QazAqparat - BUU Bas hatshysy qyzmetine taǵaıyndalǵan Antonıý Gýterresh óziniń alǵashqy sóz sóıleýinde barsha bılik pen halyqty beıbitshilik úshin kúresýge shaqyrdy. 

TASS agenttiginiń habarlaýynsha, Gýttereshtiń málimdemesi jeti tilde taratyldy.

Bas hatshy óz qyzmetine kirisken kúni alańdaýly ekenin, qarýly qaqtyǵystar tutqynyna aınalǵan adamdar máselesi janyn aýyrtatynyn aıtty. Sondaı-aq, ol barsha álemdi tolǵandyryp otyrǵan jahandyq lańkestik qaýpin atap ótti. «Bizdiń basty maqsatymyz, beıbitshilik bolýy tıis. Men barsha halyqty búgin jáne kún saıyn  beıbitshilik úshin kúresýge shaqyramyn. 2017 jyl beıbitshilik jyly bolsyn dep tileımin», - dedi ol. Gýterresh BUU Bas hatshysy laýazymynda Pan Gı Mýndy almastyrdy.