BUU: Iemendegi soǵysty toqtatýdyń alǵashqy qadamy jasaldy

NUR-SULTAN. QazAqparat – Búgin Iemende bitimge kelý týraly eki aılyq kelisimge qol qoıyldy, dep habarlaıdy QazAqparat BUU jańalyqtaryna silteme jasap.

Nıý-Iorktegi jýrnalıster aldynda sóz sóılegen BUU Bas hatshysy Antonıý Gýterrısh Iemendegi arnaıy elshi Hans Grýndbergke alǵys aıtyp, Iemen Úkimetine, Saýd Arabııasy men hýsıtter bastaǵan koalıtsııaǵa rızashylyq bildirdi.

«Bul bitim Iemendegi joıqyn soǵysty toqtatýdyń alǵashqy qadamy bolýy kerek», – dep málimdedi Bas hatshy.
Jeti jyldan astam ýaqyt boıy Iemen Saýd Arabııasy bastaǵan úkimetshil koalıtsııa men hýsıtterdiń búlikshi qurylymdary arasyndaǵy qarýly qaqtyǵys alańy boldy. Taraptar Iemen ishindegi jáne onyń shekaralaryna jaqyn jerdegi barlyq shabýyldaý áýe, jer ústi jáne teńiz operatsııalaryn toqtatýǵa kelisti. Sondaı-aq, olar otyny bar kemelerdi Hodeıd portyna toqtatýǵa, al kommertsııalyq reısterdi Sana áýejaıynan oryndaýǵa ýaǵdalasty.
Bitim taraptardyń kelisimimen eki aıdan soń taǵy uzartylýy múmkin.