BUU Iemende ashtyq jaılaıtynyn eskertti
ASTANA. QazAqparat - Birikken Ulttar uıymynyń «Dúnıejúzilik azyq-túlik baǵdarlamasy» agenttigi Iemendegi qarýly qaqtyǵystardyń kesirinen eldiń birqatar aımaqtarynda ashtyq jaılaýy múmkin ekenin málimdedi, dep jazady Bı-Bı-Sı agenttigi.
BUU deregi boıynsha ol elde 13 mln-nan astam adam kómekke muqtaj bolyp otyr.
Atalǵan agenttik basshysy Ertarın Kýzın Iemenge baryp kelgennen keıin, onda qajetti jaǵdaıda azyq-túlik jetkiliksiz ekenin, gýmanıtarlyq uıymdar qarýly qaqtyǵystarǵa baılanysty kómek jibere almaı otyrǵanyn aıtty.
Eske sala keteıik, Iemen bıligi men búlikshil top arasyndaǵy budan bir jyl buryn bastalǵan kelispeýshilik sońy úlken qarýly qaqtyǵysqa ulasqan. Elde birneshe ret beıbit kelisimge kelý týraly usynystar jasalǵanymen áskerı is qımyldar, atys-shabysty toqtatý múmkin bolmady.
