BUU VI AEF barysynda álemdik ekonomıkanyń ósimine qatysty óz boljamyn jarııalady

ASTANA. 23 mamyr. QazAqparat - Birikken ulttar uıymynyń sońǵy boljamyna sáıkes, 2013 jylda álemdik ekonomıka 2,3 paıyzdyń deńgeıinde ósetin bolady.

Bul týraly VI Astana ekonomıkalyq forýmynyń saltanatty ashylý rásiminde sóz sóılegen BUU Bas hatshysynyń ekonomıkalyq jáne áleýmettik máseleler jónindegi orynbasary Ý Hýnbo málim etti.

«Bul - sol baıaǵy baıaý ekonomıkalyq ósimniń kórsetkishi. Bundaı ósim 2012 jyly bolǵan. Aǵymdaǵy jyldyń aıaǵynda ǵana ózgeris baıqalatyn bolady. Bylaısha aıtqanda, 2014 jyldyń basynda jahandyq ekonomıka sál-pál óse bastaıdy. Oǵan deıin barlyq aımaqtardyń ósimi qolda bar múmkindikten tómen bolyp saqtalady. Ol sebepti jumyspen qamtý jumysy baıaý júredi. Ásirese, damyǵan memleketterde, Eýroaımaqtaǵy jaǵdaı qaýipti bolady. Jalpy, osy jyly Eýropada eshbir ekonomıkalyq ósim baıqalmaıdy. Al damýshy elderdiń bolashaǵy zor bolmaq. Degenmen qaýip te joq emes», - dep atap kórsetti Ý Hýnbo.