BUU: Vetnam 25 mlrd dollar joǵaltýy múmkin

ASTANA. KAZINFORM —  BUU Damý baǵdarlamasynyń baǵalaýynsha, AQSh tamyz aıynda engizgen kedendik baj salyǵy Vetnamnyń AQSh-qa eksportyn besten bir bólikke deıin qysqartýy múmkin. Bul Vetnamdy Ońtústik-Shyǵys Azııadaǵy eń kóp zardap shekken memleketke aınaldyrady, dep habarlaıdy 

Ótken jyly Vetnam Amerıkaǵa taýar eksportynan álemde altynshy orynǵa shyǵyp, 136,5 mlrd dollardyń ónimin jetkizgen. Bul taýarlardyń basym bóligi amerıkalyq jáne sheteldik transulttyq kompanııalardyń nemese olardyń jetkizýshileriniń zaýyttarynda óndiriledi.

— Eń nashar jaǵdaıda, eger AQSh-taǵy ınflıatsııa joǵary tarıfterge baılanysty tym qatty ósse, vetnamdyq taýarlarǵa salynǵan 20 paıyzdyq baj salyǵy ýaqyt óte kele eksporttyń 25 mıllıard dollardan astam tómendeýine ákelýi múmkin. Bul jyldyq kólemniń shamamen besten bir bóligine teń, — dedi Reuters agenttigine BUUDB-nyń Azııa-Tynyq muhıty óńiri boıynsha bas ekonomısi Fılıp Shellekens.

7 tamyzda baj salyǵy kúshine engennen keıin jarııalanǵan alǵashqy málimetterge sáıkes, Vetnam eksportynyń negizgi baǵyty bolyp tabylatyn AQSh naryǵyna jetkizý tamyz aıynda shildemen salystyrǵanda 2%-ǵa azaıǵan. Al Vetnam álemde ekinshi orynda turǵan aıaq kıim eksporty 5,5%-ǵa tómendedi. Buǵan deıin baj salyǵy engiziler aldynda eksport kólemi kúrt ósken.

Nike, Adidas, Puma kompanııalary, ózderiniń álemdik aıaq kıim ónimderiniń kóp bóligin Vetnamdaǵy jetkizýshiler arqyly óndirip otyrǵanymen, túsinikteme berýden bas tartty.

— Ońtústik-Shyǵys Azııada AQSh-tyń baj salyǵyn kóterýinen Vetnamnan artyq eshbir el zardap shekpeıdi, — dedi Shellekens. 

Onyń aıtýynsha, Shyǵys Azııada dollarlyq eseppen tek Qytaı ǵana kóbirek zardap shegýi múmkin. Biraq Vashıngton jeńildikterdi saqtaǵan kúnniń ózinde Vetnam eksporty AQSh-ta 18 mıllıard dollarǵa deıin tómendeýi yqtımal.

BUUDB esebinde kórsetilgendeı, Ońtústik-Shyǵys Azııadaǵy iri elder arasynda AQSh-qa Taıland eksporty 12,7%-ǵa, Malaızııa — 10,4%-ǵa, Indonezııa — 6,4%-ǵa qysqarýy múmkin. 

Aıta ketelik Qazaqstan bıdaıy Qytaı arqyly Vetnamǵa jetkizilgen edi.