BUU úılestirýshisi: Nepaldaǵy sý tasqynynan kelgen shyǵyn aýqymy adam sengisiz
ASTANA. KAZINFORM – BUU-nyń Nepaldaǵy úılestirýshisi Lıla Pıters ıAhııa Qytaımen shekaraǵa jaqyn ornalasqan Rasýva aýdany men oǵan irgeles aýmaqtardaǵy sý tasqynynan kelgen shyǵyndy «adam sengisiz aýqymdy» dep baǵalady. Bul týraly Anadolý agenttigi habarlady.
ıAhııa bul týraly BUU-nyń Jenevadaǵy keńsesinde ótken aptalyq baspasóz máslıhatynda Nepaldaǵy sý tasqynyna qarsy qabyldanyp jatqan sharalar týraly aıta kele málimdedi.
Onyń aıtýynsha, tańerteń BUU-daǵy áriptesterimen birge sý tasqynynan zardap shekken Nývakot aýdanyndaǵy Bıdýr mýnıtsıpalıtetine barǵan. Alaıda sý tasqyny qaýpi týraly eskertýge baılanysty sapardy toqtatýǵa týra kelgen.
Nepal bıliginiń málimetinshe, tabıǵı apat saldarynan 538 adam qaza taýyp, 73 adam jaraqat alǵan. 3 742 adam qutqaryldy. Taǵy 977 adam iz-túzsiz joǵalǵan nemese olarmen baılanys ornatý múmkin bolmaı otyr. Іzdeý-qutqarý jumystaryna 12 249 qaýipsizdik qyzmetkeri jumyldyrylǵan.
– Shyǵynnyń aýqymy adam sengisiz: 40 shaqyrymnan astam jol tolyǵymen qıraǵan. Іzdeý-qutqarý jumystary áli de basty basymdyq bolyp otyr. Negizgi mindet – adamdardy qutqarý. Keıbir aýdandarmen baılanys tolyq úzilgendikten, kómek tikushaqtarmen jetkizilip jatyr, – dedi ol.
Apat bolǵan aýmaqta kóptegen izdeý-qutqarý toby jumys istep jatyr. Qutqarýshylar aman qalǵan adamdarǵa jetý úshin kúndiz-túni jumys istep, bar kúshin salyp otyr.
Aıta keteıik, buǵan deıin Nepal men Tıbettegi alapat sý tasqynynan qaza tapqandar sany artqanyn jazdyq.
