BUU tutqyndaǵy qyzmetkerleriniń bosatylǵanyn rastady

ASTANA. KAZINFORM — Birikken Ulttar Uıymy Iemen astanasy Sana qalasyndaǵy barlyq qyzmetkeri hýsıtter keshennen shyǵyp ketkennen keıin bosatylǵanyn habarlady, dep jazdy Anewz.

BUU-nyń Iemendegi toby 15 halyqaralyq qyzmetker endi keshende emin-erkin júre alatynyn málimdedi. Qazir qyzmetkerler tıisti agenttikter jáne otbasylarymen baılanys ornatty.

Sondaı-aq 18 qazannan beri hýsıtter tutqynda ustaǵan 5 ulttyq qyzmetkerdiń bosatylǵany da rastaldy.

— «Ansar Allah» qozǵalysynyń ókilderi Sanadaǵy BUU ǵımaratyn tastap ketti, — delingen habarlamada.

Bul hýsıt sodyrlary Sanadaǵy BUU ǵımaratyna basyp kirgennen eki kún ótken soń boldy.

Iemen álemdegi eń aýyr gýmanıtarlyq daǵdaryspen arpalysyp jatyr. Úkimet pen hýsıt kóterilisshiler toby arasyndaǵy 10 jylǵa jýyq qaqtyǵys 150 000-nan astam adamnyń ómirin qıyp, mıllıondaǵan adamdy kómekke muqtaj etti.

Aıta keteıik, bir kún buryn ıemendik hýsıtter BUU-nyń 20 qyzmetkerin tutqynǵa alǵan bolatyn.