BUU Túrkııadaǵy jer silkinisi shyǵynyn 100 mlrd dollarǵa baǵalady

JENEVA. QazAqparat - Túrkııaǵa zilzala saldarynan kelgen zalal 100 mlrd AQSh dollardan asýy múmkin. Bul týraly Túrkııadaǵy BUU Damý baǵdarlamasynyń resmı ókili Lýıza Vınton seısenbi kúni ótken brıfıngide málim etti, dep habarlaıdy QazAqparat reseılik TASS aqparat agenttigine silteme jasap.

«Túrkııa úkimeti usynǵan jáne halyqaralyq seriktester qoldaǵan búgingi kúnge deıin júrgizilgen esepteýlerden zalaldyń kólemi 100 mıllıard dollardan asatyny anyq», - dep atap ótti L. Vınton Gazıantepten beınebaılanys arqyly.

Lýıza Vınton eń kóp zardap shekken Hataı provıntsııasyndaǵy jaǵdaıdy «apokalıpsıske» teńep, júzdegen myń turǵyn úıdiń qıraǵanyn aıtty. «Qajettilikter kólemi joǵary, biraq resýrstar az», - dep qosty halyqaralyq sheneýnik.

Buǵan deıin Dúnıejúzilik bank 6 aqpanda bolǵan jer silkinisi saldarynan Túrkııa ekonomıkasyna kelgen shyǵyndy 34,2 mıllıard dollarǵa baǵalaǵan bolatyn. Shyǵyn kólemi jer silkinisteriniń jalǵasýyna baılanysty ósýi múmkin. Apat saldaryn qalpyna keltirý jáne joıý jumystary Túrkııaǵa odan da qymbatqa túsýi múmkin.

«Qalpyna keltirý jáne qaıta qurý shyǵyndary áldeqaıda kóp. Shyǵyn eki esege artýy múmkin. Sol sııaqty ekonomıkalyq buzylýlarǵa baılanysty JІÓ shyǵyndary zilzaladn kelgen shyǵyn somasyna qosylady», - delingen edi Dúnıejúzilik bankten.

6 aqpanda Túrkııanyń ońtústik-shyǵysyndaǵy Kahramanmarash provıntsııasynda 9 saǵattyq ıntervalmen 7,7 jáne 7,6 balldyq jer silkinisi boldy. Jerasty dúmpýleri respýblıkanyń 10 provıntsııasynda jáne kóp zardap shekken Sırııa jáne kórshi elderde sezildi. Dúısenbide Hataı provıntsııasynda 6,4 jáne 5,8 baldyq elementterdiń eki jańa soqqysy tirkeldi.

Aıta keteıik, Túrkııa prezıdenti zilzaladan qaza bolǵandar sany 46,1 myńnan asqanyn málimdegen edi.