BUU turan jolbarysynyń popýlıatsııasyn qalpyna keltirýge atsalyspaq

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi Birikken Ulttar Uıymynyń damý baǵdarlamasymen birlesip Іle-Balqash ekojúıelerin qalpyna keltirýge arnalǵan jobany iske qosty, dep habarlaıdy QazAqparat tilshisi.

Bul týraly BUU-nyń damý baǵdarlamasynyń kommýnıkatsııalar jónindegi keńsesi aqparat taratty.

On jylǵa (2021-2030 j.j.) mejelengen baǵdarlama turan jolbarysynyń tarıhı mekenindegi ekologııalyq jaǵdaıdy jaqsartý arqyly sırek janýarlarǵa tabıǵı orta qalypstyrýdy kózdeıdi.

«Bul bastama BUU DB men Qazaqstan úkimeti arasyndaǵy kópjyldyq yntymaqtystyq aıasynda júzege asyrylady. Joba sheńberinde, Іle ózeni atyrabynyń jaıylma ormandaryn qalpyna keltirý jáne «Іle-Balqash» memlekettik tabıǵı rezervatynyń aýmaǵynda turan jolbarysynyń reıntrodýktsııasyna qajet jemshóp qoryn turaqty qalyptastyrý josparlanyp otyr. Óńirdiń biregeı tabıǵaty men bıoalýandyǵyn saqtaý mańyzdyo Osy jóninde halyqty keńinen qulaqtandyrýǵa jáne jergilikti turǵyndardyń bastamalaryn qoldaýǵa erekshe nazar aýdarylady», - dep jazylǵan resmı málimette.

BUU Damý baǵdarlamasynyń Qazaqstandaǵy turaqty ókili ıAkýp Berıshtiń aıtýyna qaraǵanda, biregeı ekojúıeler men bıoalýandyqty, flora men faýnany qalpyna keltirý óńirdiń áleýmettik-ekonomıkalyq turaqtylyǵyn qamtamasyz etýge septigin tıgizedi.

«Qazaqstan. bıoalýandyqtyń saqtalýyna kóp kóńil bóledi. Sonyń aıasynda túrli maqsatty baǵdarlamalar qolǵa alynǵan. Biz tańdaǵan «jasyl ekonomıkaǵa» ótý kontseptsııasy tıimdi basqarý men turaqty damý qaǵıdalaryna saı keledi», - deıdi QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy Nurlan Qylyshbaev.