BUU Tramptyń kóshi-qonǵa qatysty jarlyǵyn synǵa aldy
ASTANA. QazAqparat - BUU-nyń bosqyndardyń quqyqtary jónindegi Joǵarǵy komıssıary Fılıppo Grandı AQSh prezıdenti Donald Tramptyń bosqyndardy kóshirýge baılanysty jańa jarlyǵyna alańdaýshylyq bildirip otyr, dep habarlaıdy búkilálemdik uıymnyń jańalyqtar ortalyǵy. Bul týraly búgin korrespondent.net saıty habarlady.
Onyń sózinshe, Tramptyń osy máselege qatysty jańa sheshimi, meıli ol tipti ýaqytsha bolsyn, bosqyndardyń basyndaǵy onsyz da qıyn jaǵdaıdy odan saıyn kúrdelendire túspek.
Grandı sózinde AQSh-tyń ózge elderdiń bosqyndaryna qol ushyn soza otyryp, qaýipsizdik, «pana» izdegen jandardy óz elinde qabyldap, qashan da ózgelerge úlgi bolyp kelgen edi. Al búgingideı bosqyndardyń legi rekordtyq deńgeıge jetken kezde olarǵa qamqorlyq kórsetetin izgi sharalar aýadaı qajet, dep málimdedi BUU komıssary.
Aıta keteıik, 6 naýryz kúni Tramp qóshi-qon máselesine qatysty jańa zańǵa qol qoıdy. Onyń talaptaryna sáıkes, Sýdan, Sırııa, Iran, Lıvııa, Somalı, Iemen syndy musylman elinen kelgen azamattarǵa 90 kúnge deıin AQSh-qa kirýge tyıym salynady.
Buǵan qosa, AQSh-qa bosqyndardy qabyldaý baǵdarlamasy 120 kúnge toqtatyldy. Osyǵan deıingi jarlyqpen salystyrǵanda bul tizimde Irak joq.
