BUU Trampty mıgranttar týraly jarlyqty ózgertýge shaqyrdy
ASTANA. QazAqparat - Antonıý Gýterrısh Donald Trampty sheteldikterdiń AQSh-qa kelýine engizilgen shekteýlerdi alyp tastaýǵa shaqyrdy.
BUU bas hatshysy Antonıý Gýterrısh birqatar musylman elderiniń azamattaryna AQSh-qa kelýge salynǵan tyıymdy tezirek alyp tastaıdy dep úmittenetinin jetkizdi.
Bas hatshynyń aıtýynsha, engizilgen shekteýlerdiń AQSh-ty terrorıstik qaýipten tıimdi qorǵaýy ekitalaı jáne ol Tramptyń óz jarlyǵynan tezirek bas tartaryna úmittenedi.
Eske sala ketsek, AQSh prezıdenti Donald Tramp óz jarlyǵymen bosqyndardyń Qurama Shtattarǵa 120 kúnge kelýine tyıym saldy jáne halqynyń basym bóligi musylmandar bolyp tabylatyn jeti memleket (Irak, Sýdan, Somalı, Lıvııa, Sırııa, Iemen) azamattarynyń 90 kúnge kelýin ýaqytsha toqtatyp qoıdy.
