BUU Tramptyń Venesýelany basqarý josparyna nege alańdaýly

ASTANA. KAZINFORM — BUU Bas hatshysy Antonıo Gýterrısh sońǵy aılarda AQSh pen Venesýela arasyndaǵy qarama-qaıshylyqqa «tereń alańdaýshylyq» bildirdi. Bul týraly Bas hatshynyń baspasóz hatshysy Stefan Dıýjarrık málimdedi.

«BUU Bas hatshysy Venesýeladaǵy jaǵdaıdyń sońǵy kezeńdegi shıelenisine, onyń sharyqtaý shegine jetken búgingi AQSh-tyń eldegi áskerı operatsııasyna jáne bul aımaq úshin yqtımal alańdatarlyq saldaryna tereń alańdaýshylyq bildiredi», dedi S.Dıýjarrık.

Ol óz baıandamasynda Venesýeladaǵy jaǵdaıǵa qaramastan, bul bastamalar qaýipti úlgi bolatynyn aıtyp ótti. 

«Bas hatshy barlyq taraptarǵa halyqaralyq quqyqty, sonyń ishinde BUU Jarǵysyn tolyq qurmetteýdiń mańyzdylyǵyn únemi atap kórsetedi. Ol halyqaralyq quqyq normalarynyń saqtalmaýyna qatty alańdaýshylyq bildiredi», delingen remı málimdemede.

Sondaı-aq Stefan Dıýjarrık BUU Bas hatshysynyń Venesýeladaǵy barlyq qatysýshylarǵa adam quqyqtary men quqyq ústemdigin tolyq saqtaı otyryp jan-jaqty dıalog júrgizýge shaqyratynyn jetkizdi.

Eske sala ketsek, AQSh Venesýelaǵa jáne onyń kóshbasshysy, prezıdent Nıkolas Madýroǵa qarsy aýqymdy operatsııany sátti júrgizip, nátıjesinde Madýro jubaıymen birge ustalyp, olar arnaıy ushaqpen Nıý-Iork qalasyna jetkizldi.