BUU tórt kúndik jumys aptasyna kóshýdi usynady
ASTANA. QazAqparat - Halyqaralyq eńbek uıymynyń sarapshylary bes kúndikten góri tórt kúndik jumys aptasy anaǵurlym qolaıly dep sanaıdy jáne eńbek etýdiń osy rejimine kóshýdi usynady, dep habarlady BUU baspasóz qyzmeti.
Halyqaralyq eńbek uıymynyń sarapshylary jumys aptasyn qysqartýdyń paıdasyna óz dálelderin keltiredi.
Birinshiden, bul halyqtyń densaýlyǵyn túzetýge múmkindik beredi, óıtkeni qazirgi zamanda kóptegen aýrýlar jumys ýaqytyn únemi keńsede ótkizip, kúızeliske shaldyǵý sebebinen bolyp otyr.
Ekinshiden, qysqa apta kóbirek jumys oryndaryn ashýǵa múmkindik beredi.
Úshnshiden, ártúrli zertteýler adamdar az jumys jasasa, neǵurlym ónimdi eńbek etetinin kórsetýde. Al keńsede uazq saǵattar boıy jumys jasaǵandar kóbine qaýyrt qyzmet istegendeı bolyp kórinedi. Al endi taǵy bir zertteýlerde aptanyń tórt kúninde ǵana jumys jasaǵan adamdar ózderin baqytty, ómirge qanaǵattanǵan kúıde sezinedi.
Endi aqyrynda, qazirgi zamandaǵy eń dáleldi ýáj: jumys aptasynyń bir kúninen bas tartý qorshaǵan ortaǵa da oń áser etedi, adamdardyń jumysqa barý-kelýi aptasyna birneshe mıllıardqa azaıady.
Tórt kúndik jumys aptasy ıdeıasyn, atap aıtqanda, Google Larrı Peıdj kompanııasynyń negizin qalaýshylardyń biri jáne meksıkalyq mıllıarder Karlos Slım de qoldap otyr.
