BUU Taýly Qarabaqtaǵy jaǵdaıdyń ýshyǵýyna baılanysty málimdeme jasady
Antonıý Gýtterısh óziniń málimdemesinde Taýly Qarabaqtaǵy áskerı kúrestiń qaıta bastalǵanyna alańdaýly ekenin málimdedi. Ol tatartardyń kúsh qoldanýyn synǵa alyp, osy oqıǵanyń qarapaıym turǵyndarǵa zalaly tıetinine alańdaıtynyn jetkizdi.
«BUU bas hatshysy eki tarapty dereý áskerı qaqtyǵysty toqtatyp, syndarly kelissóz júrgizýge shaqyrady», - delingen Gýtterıshtiń atynan BUU baspasóz hatshysy jarııalaǵan málimdemede.
Antonıý Gýtterısh EQYU-nyń Mınsk tobynyń tóraǵalarynyń róliniń mańyzdy ekenin atap ótip, olardyń jumysyn qoldaıtynyn málimdedi. Ol eki tarapty «eshqandaı kúsh qoldanbaı dereý kelissóz júrgizý» maqsatynda seriktestikke shaqyrdy.
Aıta ketsek, Ázerbaıjan men Armenııanyń qorǵanys vedomstvolary Taýly Qarabaqtaǵy jaǵdaıdyń ýshyqqany týraly málimdegen bolatyn.
Sondaı-aq, Qazaqstan Respýblıkasynyń Syrtqy ister mınıstrligi Armıan-ázerbaıjan qaqtyǵysynyń ýshyǵýyna baılanysty málimdeme jasady.
