BUU tarıhtaǵy eń aýqymdy «jahandyq pikirtalasty» ótkizbekshi

NЬıÝ-IORK. QazAqparat - BUU adamdardy ǵalamsharymyzdyń búgini men bolashaǵy týraly áńgimelesýge shaqyrady. Pikirtalastyń maqsaty – álem turǵyndarynyń pikirin tyńdaý. Tarıhtaǵy eń aýqymdy «jahandyq pikiralas» aktsııasy BUU 75 jyldyǵyn toılaıtyn jyly, qańtar aıynda bastalady, dep habarlaıdy QazAqparat News.un.org saıtyna silteme jasap.

Kezdesýler barlyq jerde – parlament úıi men ýnıversıtet dárishanalarynan bastap, aýyldyq klýbtarda bolady, oǵan qoǵamnyń túrli toptary men býyn ókilderi qatysady. Qatysýshylardyń pikirin saralaý arqyly týyndaǵan ıdeıalar 2020 jyldyń qyrkúıek aıynda BUU-nyń álemdik kóshbasshylary men basshylyǵynyń talqylaýyna jiberiledi.

Sonymen qatar, uıym qyzmetshileri qoǵamdyq saýalnama júrgizip, onyń nátıjelerin BAQ-ta jarııalap otyrady. Ol qosymsha aqparat jınap, ǵalamshar turǵyndary álemdi 2045 jyly qalaı kórgisi keletinin túsinýge múmkindik beredi. Avtorlardyń pikiri boıynsha, osylaısha jer turǵyndarynyń kópshiligi óziniń bolashaǵynyń qurylýyna úles qosady.

BUU Bas hatshysy Antonıý Gýterrısha qazir barlyǵy bir-birimen baılanysty, al zamanaýı máselelerdi tek álem bolyp jumylý arqyly sheshýge bolady deıdi. «Eshqandaı memleket, eshqandaı qoǵam máseleni jalǵyz sheshe almaıdy, bizge kúsh biriktirý kerek. Biz aıtyp qana qoımaı, tyńdaı alýymyz kerek. Bul máselede árqaısysyńyzdyń pikirińiz mańyzdy. Biz sizdiń oıyńyzdy bilgimiz keledi, álem turǵyndarynyń ómirin jaqsartý úshin ne isteı alatynymyzdy anyqtaǵymyz keledi», - dep málimdedi BUU basshysy.

Dıalog pen zertteý úsh suraqqa negizdelgen: adamzat bolashaǵy, álemdegi úrdis men jahandyq seriktestik. 6 qańtar kúni BUU seriktesterimen birlese otyryp jahandyq pikirtalasqa qatysty 38 qatysýshy oıyn bildiretin beınerolık jarııalaıdy.