BUU soty Japonııaǵa kıt aýlaýǵa tyıym saldy
ASTANA. QazAqparat - Gaagadaǵy BUU-nyń halyqaralyq soty Antarktıkada kıtterdi aýlaý boıynsha Japonııa júzege asyryp jatqan baǵdarlama ǵylymı maqsattarǵa sáıkes kelmeıtinin qaýly etti.
Japonııa jyl saıyn myńǵa jýyq kıtterdi aýlaıdy jáne osy is-qımyldary ǵylymı zertteýlerge negizdelgenin alǵa tartýda.
2010 jyly Avstralııa BUU-nyń halyqaralyq sotyna Japonııa tarapy ǵalymı zertteýdi jeleý etip, kommertsııalyq kıt aýlaýdy kásip etip otyrǵanyn, bul óz kezeginde halyqaralyq zańnamaǵa qaıshy ekeni týraly shaǵym túsirgen edi.
Sot tóraǵasy Peter Tomka sot tergeýleri aıaqtalǵansha baǵdarlamany ýaqytsha toqtatý jóninde sheshim shyǵardy, dep jazady sheteldik BAQ.
1986 jyly kommertsııalyq túrde kıt aýlaý kásibine tyıym salatyn halyqaralyq konventsııa qabyldanǵan bolatyn.
