BUU: Soltústik Koreıaǵa kómek úshin 98 mln. dollar qajet

ASTANA. 16 tamyz. QazAqparat - Bıyl Soltústik Koreıaǵa gýmanıtarlyq kómek kórsetý úshin BUU-ǵa 98 mln. AQSh dollaryna jýyq qarjy jetispeıdi. Bundaı málimetter beısenbide BUU-nyń gýmanıtarlyq máselelerdi úılestirý boıynsha basqarmasynyń baıandamasynda aıtylǵan.

VVS-diń jazýynsha, búginde qajet 150 mln. dollardyń tek 34,8 paıyzyn jınaý múmkin bolǵan.

24 mıllıonnan astam halqy bar Soltústik Koreıaǵa halyqaralyq qoǵamdastyqtyń kómegi eleýli túrde áser etedi. BUU derekterine qaraǵanda, atalǵan eldiń 16 mıllıon turǵyny tamaqqa jarymaıdy, al adamdardyń ortasha ómir uzaqtyǵy 69,3 jyldy quraıdy.

109 mln. dollar tek azyq-túlik qaýipsizdigi men aýyl sharýashylyǵyna qajet kórinedi. Densaýlyq saqtaý salasyna 24,1 mln. dollar kerek eken.

BUU Bas hatshysy Pan Gı Mýn halyqaralyq donorlardy kómek qolyn sozýǵa shaqyrdy.

«Ol gýmanıtarlyq kómek - saıasat jáne qaýipsizdik oı-pikirlerimen baılanystyrylmaýy tıis ekenin qadap aıtty», - delingen BUU baspasóz qyzmetiniń málimdemesinde.