BUU Rım sammıtiniń deklaratsııasyn synǵa aldy
ASTANA. Qarashanyń 17-si. QazAqparat - Birikken Ulttar Uıymynyń Azyq-túlik uıymynyń basshysy Jak Dıýf asharshylyqpen kúres máseleleri boıynsha Rımde ótip jatqan sammıttiń qorytyndy deklaratsııasyn synǵa aldy,
dep habarlaıdy «Azattyq» radıosy.
Dıýftyń aıtýynsha, asharshylyqty túp-tamyrymen joıý jónindegi jedel is-qımyldarǵa úndeıtin qujatta naqty usynys joq jáne problemalardy sheshýdiń naqty merzimderi atalmaǵan.
Aqparat agenttikteri sondaı-aq damýshy elderdiń aýyl sharýashylyqtaryn qoldaýǵa jyl saıyn 40 mıllıardtan astam dollar bólip turý týraly BUU-nyń úndeýin halyqaralyq sammıtke qatysýshylardyń qabyldamaǵanyn atap kórsetýde.
BUU-nyń baǵalaýynsha, álemde ash-jalańashtardyń sany 1 mıllıardtan asady.
