BUU Pan Gı Mýnnyń týystaryna taǵylǵan aıyptaýlarǵa pikir bildirýden bas tartty

ASTANA. QazAqparat - Birikken Ulttar Uıymy BUU-nyń burynǵy Bas hatshysy Pan Gı Mýnnyń týystaryna Amerıka bıligi taǵyp otyrǵan aıyptaýlar boıynsha pikir bildirmeıdi, dep málim etti «RIA Novostı» agenttigine BUU Bas hatshylyǵynyń ókili Stefan Dıýjarrık.

«Biz bul másele boıynsha pikir bildirmeımiz», - dep atap ótti Dıýjarrık.

AQSh bıligi BUU-nyń burynǵy Bas hatshysy Pan Gı Mýnnyń aǵasy men jıenine paraqorlyq  isi boıynsha aıyp taqqan bolatyn. Bul týraly Reıter agenttigi sot qujattaryna silteme jasap habarlady.

Aıyptaý qorytyndysy Manhetten sotyna tapsyryldy. Qujattarǵa sáıkes, eks-Bas hatshynyń jıeni Pan Chý Hen men onyń aǵasy Pan Gı Sanǵa Taıaý Shyǵys elderiniń resmı ókilderin «satyp alý» maqsatynda sóz baılasqan degen aıyp taǵylýda.

Agenttik málimetinshe, atalmysh is Vetnamda 800 mln. dollarǵa ǵımarattar keshenin satý áreketimen baılanysty. BUU-nyń burynǵy Bas hatshysynyń jıeni Nıý-Iorkte jyljymaıtyn múlik saýdasy boıynsha agent bolyp jumys isteıdi, al aǵasy ońtústikkoreıalyq Keangnam Enterprises Co Ltd qurylys kompanııasynda aǵa keńesshi bolyp tabylady.