BUU óz qyzmetkerlerin Ońtústik Sýdannan Ýgandaǵa kóshirip jatyr

ASTANA. 23 jeltoqsan. QazAqparat - BUU jeksenbi kúni óz mıssııasyndaǵy biraz qyzmetkerlerin Ońtústik Sýdannyń astanasynan Ýgandanyń Entebbe qalasyna kóshirýge kiristi.

Sonymen birge Ońtústik Sýdandaǵy qaqtyǵys jaılaǵan jerlerde qalǵan azamattardy qorǵaýǵa kúsh jiberdi. Bul týraly búkilálemdik uıymnyń baspasóz qyzmetinen habarlady.
«Birikken Ulttar uıymy shektelgen resýrstardy saqtaýdy kózdeıtin aldyn ala sharalar retinde qyzmetkerlerdi kóshirý týraly sheshim qabyldady. UNMISS (Ońtústik Sýdandaǵy BUU mıssııasy) Ońtústik Sýdannyń astanasyndaǵy qosyndarda jınalǵan 20 myńnan astam adamǵa járdemdesýdi jalǵastyrýda», - delingen habarlamada.
Eske sala keteıik, Ońtústik Sýdandaǵy tártipsizdikter eldiń astanasy Djýbede 16 jeltoqsanǵa qaraǵan túni bastaldy. El prezıdentiniń áskerı kúzet jeke bólimshelereniń arasyndaǵy qaqtyǵystarǵa nýer men dınk taıpalarynyń arasyndaǵy etnıkalyq alaýyzdyqtar sebep boldy. Onyń saldarynan 500-ge jýyq adam opat boldy.
Djýbede bastalǵan tártipsizdikter Ońtústik Sýdannyń basqa aımaqtarynda jalǵasyn tapty. Jumaǵa qaraǵan túni eldiń shyǵysyndaǵy Akobo qalasynda ornalasqan BUU mıssııasynyń bazasyna shabýyl jasaldy. Bul shabýyldyń saldarynan BUU-nyń Úndistannan kelgen 3 bitimgeri qaza boldy, dep habarlaıdy sheteldik BAQ-tar.