BUU: Ormýz buǵazynyń jabylýynan mıllıondaǵan adam ashtyqqa ushyraýy múmkin
ASTANA. KAZINFORM - Birikken Ulttar Uıymy Ormýz buǵazynyń jabylýy saldarynan aldaǵy birneshe aptada aýyr gýmanıtarlyq daǵdarys bastalýy múmkin ekenin eskertti, dep jazady BILD.
Uıym ókilderiniń málimetinshe, álemde 45 mıllıonǵa jýyq adam ashtyqqa ushyraýy yqtımal.
Bul týraly BUU ókili Jorje Moreıra da Sılva málimdedi.
Máseleniń negizgi sebebi — tyńaıtqysh jetkizý tizbeginiń buzylýy.
Tyńaıtqyshtar álemdik azyq-túlik óndirisinde sheshýshi ról atqarady.
Buǵan deıin olardyń bir bóligi teńiz arqyly, sonyń ishinde Iran japqan Ormýz buǵazy arqyly tasymaldanǵan.
Mamandar tyńaıtqysh tapshylyǵy egin ónimdiliginiń tómendeýine ákelýi múmkin ekenin aıtyp otyr.
Sonymen qatar azyq-túlik baǵasynyń kúrt ósý qaýpi de kúsheıgen.
BUU Azyq-túlik jáne aýyl sharýashylyǵy uıymy memleketterdi jedel balama saýda baǵyttaryn izdeýge shaqyrdy.
Uıym sondaı-aq tyńaıtqysh eksportyna shekteý qoımaýǵa úndedi.
Sarapshylardyń pikirinshe, mundaı sharalar qabyldanbasa, jaǵdaı iri gýmanıtarlyq apatqa ulasýy múmkin.
Osyǵan deıin BUU ókilderi Ormýz buǵazy jahandyq azyq-túlik daǵdarysyn týdyrýy múmkin ekenin aıtqan bolatyn.
