BUU: Ońtústik Sýdandaǵy sý tasqyny saldarynan jarty mıllıonnan asa adam baspanasyz qaldy
ASTANA. KAZINFORM — Tabıǵı apat 379 myń adamdy úıin tastap, ketýge májbúrledi, dep jazady Anadoly agenttigi.
BUU Gýmanıtarlyq máselelerli úılestirý basqarmasynyń (GMÚB) málimetterinshe, Ońtústik Sýdandaǵy alapat sý tasqyny 1,4 mln adamnyń ómirine zardabyn tıgizdi, 379 myń adam úıin tastap ketip qaldy.
GMÚB málimdemesinde elde bolǵan sý tasqyndary keıingi jyldardaǵy eń aýqymdy tabıǵı apat bolyp otyrǵany aıtylǵan. Joldardy sý basyp, gýmanıtarlyq qyzmetkerler zardap shekkenderge kómek kórsetýde qıyndyqqa tap bolyp otyr.
«Bezgek aýyrýynyń taraýy zardap shekken aýdandardaǵy densaýlyq saqtaýmen baılanysty onsyz da qıyn jaǵdaıdy odan saıyn kúrdelendire túsýde», — delingen habarlamada.
Sondaı-aq onda sý tasqynynyń ınfraqurylym men aýyl sharýashylyǵy alqabyna zardabyn tıgizip, eldegi gýmanıtarlyq daǵdarysty odan saıyn qıyndatyp jibergeni aıtylady.
Osyǵan deıin Pákistan vokzalynda jarylys bolyp, keminde 25 adam kóz jumǵany týraly jazdyq.
