BUU ókili: Qazaqstan Úkimeti 2024 jylǵy tasqyn kezinde tabıǵı daǵdarysty sheshýge qabiletti ekenin kórsetti
ASTANA. KAZINFORM – Birikken Ulttar Uıymynyń Damý baǵdarlamasynyń Qazaqstandaǵy turaqty ókili Katarjına Vavernıa memleketter tasqyn sııaqty tabıǵı daǵdarystardy birlesip eńserý kerektigin aıtty.
— 2024 jyly Qazaqstan júzdegen myń adamǵa áser etken aýqymdy tasqyndy bastan ótkerdi. Bul eldegi onsyz da tasqynǵa osal sý júıesi men ekojúıesine qysym kórsetti. Qazaqstan Respýblıkasynyń Úkimeti óziniń mundaı problemalar men tabıǵı daǵdarysty sheshýge qabiletti ekenin jáne ınstıtýtsıonaldyq múmkindikterin pash etti, — dedi ol Sý sektoryn damytý jónindegi úılestirý keńesiniń otyrysynda.
Sondaı-aq, ol klımattyń ózgerýinen týyndap jatqan tabıǵı syn-qaterlerdi ózara yqpaldastyq arqyly sheshýdiń mańyzy zor ekenin aıtty.
— Biraq bul Qazaqstan aýyrtpalyqty jalǵyz eńserý kerek degen sóz emes. Halyqaralyq yqpaldastyq pen tehnıkalyq áriptestiktiń mańyzy zor, — dedi Katarjına Vavernıa.
Atalǵan úılestirý keńes otyrysynyń qorytyndysy boıynsha Sý resýrstary jáne ırrıgatsııa mınıstrligi halyqaralyq seriktestermen birqatar qujatqa qol qoıady dep josparlanǵan.
Aıta ketelik Katarjına Vavernıa Qazaqstan Parlamentinde áıelderdiń úlesi az degen edi.