BUU ókilderi qazaqstandyq dárigerlerdi quttyqtady
«Bıyl Qazaqstandaǵy medıtsına qyzmetkerleri kúni aıryqsha qıyn jaǵdaımen tuspa-tus keldi. BUU júıesi atynan jáne óz atymnan qaýipti vırýspen kúresip jatqan barlyq densaýlyq saqtaý qyzmetkerlerine shyn júrekten alǵys aıtqym keledi. BUU qurylǵan sátten bastap biz densaýlyqqa, adamı kapıtalǵa, áleýmettik jáne ekonomıkalyq damýǵa salynǵan ınvestıtsııanyń - bolashaqqa salynǵan ınvestıtsııa ekenin taǵy da rastaımyz. BUU júıesi Qazaqstannyń pandemııaǵa qarsy jasaǵan barlyq sharalaryn qoldaıdy. Qurmetti densaýlyq saqtaý salasynyń batyrlary, biz sizdermen birgemiz jáne sizderge úlken senim artamyz! Sizderdiń batyldyqtaryńyz úshin, qyzmetke adaldyq pen kásibıligińiz úshin rahmet aıtamyz», - dedi BUU Qazaqstandaǵy turaqty úılestirýshisi Norımasa Shımomýra.
Sonymen birge BUU Damý baǵdarlamasynyń Qazaqstandaǵy turaqty ókili ıAkýp Berısh búgingi kúndi zamanaýı batyrlarǵa qurmet kórsetetin kún dep atady.
«Barlyq dárigerler men sanıtarlarǵa, medıtsınalyq qyzmetkerlerge ólsheýsiz eńbegi úshin alǵysym sheksiz», - dedi ol.
«Bizdiń balalarymyzdyń densaýlyǵy, bolashaq urpaǵymyzdyń densaýlyǵy sizderdiń qoldaryńyzda. Sizderdiń kásipqoılyǵyńyz ben kásipke degen adaldyǵyńyz pandemııa kezinde erekshe baıqalady. Medıtsına qyzmetkerleriniń barlyǵyna úlken qıyndyqqa tótep berip, Qazaqstan azamattarynyń densaýlyǵyn qorǵaýǵa atsalysyp júrgendikterine shyn júrekten rızashylyq bildirgim keledi», - deıdi ıÝNISEF-tiń Qazaqstandaǵy ókili Artýr Van Dızen.
Aıta keteıik, Qazaqstanda jyl saıyn maýsym aıynyń úshinshi jeksenbisinde medıtsına qyzmetkerleri kúni toılanady.
Buǵan deıin QR Densaýlyq saqtaý mınıstri Eljan Birtanov qazaqstandyq medıtsına qyzmetkerlerin kásibı merekesimen quttyqtady.
