BUU-nyń Joǵarǵy komıssary Qazaqstannyń reformalaryn joǵary baǵalady

NUR-SULTAN. QazAqparat - Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Jenevaǵa sapary barysynda BUU Adam quqyqtary jónindegi Joǵarǵy komıssary Mıshel Bacheletpen kezdesti. Bul týraly QazAqparat SІM silteme jasap habarlaıdy.

Kezdesý barysynda taraptar 2022-2024 jyldary AQK-ǵa qazaqstandyq músheliktiń basymdyqtaryn jáne BUU Adam quqyqtary jónindegi Joǵarǵy komıssary basqarmasy (AQJKB) delegatsııasynyń Qazaqstanǵa saparynyń qorytyndylaryn talqylady, onyń nátıjeleri Prezıdent Qasym-Jomart Toqaevtyń adam quqyqtaryn qorǵaý, demokratııalyq qoǵam qurý jáne «Halyq únine qulaq asatyn memleket» tujyrymdamasyn engizý bóliginde bastamashylyq etken saıası reformalardy iske asyrýda tehnıkalyq kómek kórsetý úshin basym baǵyttardy aıqyndaýǵa múmkindik beredi.

M.Tileýberdi Qazaqstandaǵy qańtar aıyndaǵy oqıǵalardy tergeý barysy týraly, sondaı-aq adam quqyqtary salasyndaǵy óziniń halyqaralyq mindettemelerin oryndaýdy qamtamasyz etý jónindegi memlekettiń keshendi sharalary týraly Joǵarǵy komıssardy habardar etti. Ol Qazaqstan bıligi ádil tergeý júrgizip jatqanyn, onyń nátıjeleri álemdik qoǵamdastyqqa usynylatynyn atap ótti.

Sondaı-aq Qazaqstan SІM basshysy suhbattasyna Prezıdent Q.Toqaev 16 naýryzda qazaqstandyq qoǵamdy saıası transformatsııalaýǵa baǵyttalǵan reformalardyń jańa baǵdarlamasyn jarııalaýdy josparlap otyrǵanyn habarlady. Sonymen qatar, Mınıstr M.Bacheletti Qazaqstanǵa saparymen kelýi týraly

Memleket basshysynyń shaqyrýyn eske saldy.

Óz kezeginde Joǵarǵy komıssar Qazaqstan Úkimeti júrgizip jatqan jumysty joǵary baǵalady, sondaı-aq ulttyq quqyq qorǵaý ınstıtýttarynyń quqyq qorǵaý reformalaryn iske asyrýǵa qatysýynyń mańyzdylyǵyn atap ótti. M.Bachelet onyń keńsesiniń Qazaqstanǵa qajetti tehnıkalyq kómek kórsetýge daıyndyǵyn bildirdi. Qazaqstannyń azamattardyń áleýmettik-ekonomıkalyq máselelerin sheshý jónindegi sharalaryna qoshemet kórsetti.