BUU-nyń Jetkilikti baspana máseleleri jónindegi arnaıy baıandamashysy R. Rolnıktiń Qazaqstanǵa sapary bastaldy

Bul týraly aptalyq brıfıngte QR Syrtqy ister mınıstrliginiń baspasóz hatshysy Іlııas Omarov aıtty.

Onyń aıtýynsha, bir aptaǵa sozylatyn sapar barysynda R. Rolnık elimizdiń memlekettik organdarynyń basshylarymen eki jaqty kezdesýler ótkizedi. Onda Qazaqstanda baspanaǵa qol jetimdilik máseleleri, sondaı-aq adam quqyǵy salasyna qatysty máseleler talqylanatyn bolady. «Atalmysh sapar Qazaqstan Respýblıkasynyń Adam quqyqtary jónindegi keńestiń búkil arnaıy protsedýralary atyna joldanatyn turaqty shaqyrýy negizinde ótkizilip otyr. Bul shaqyrý memleketimizdiń adam quqyqtary salasyndaǵy ashyq jáne syndarly yntymaqtastyqqa múddeliligin kórsetedi», dedi І. Omarov.