BUU-nyń Sırııa jónindegi arnaýly elshisi: Astana protsesiniń tabysty bolýyna múddelimiz
Kezdesýdiń basty taqyryby - Astanada ótetin Sırııa Arab Respýblıkasynyń úkimeti men sırııalyq qarýly oppozıtsııa arasyndaǵy ahýaldy retteý jónindegi halyqaralyq kezdesý boldy.
De Mıstýra BUU Bas hatshysy Antonıý Gýterrıshtyń atynan Qazaqstan Prezıdenti Nursultan Nazarbaevqa sırııalyq kelissózder úshin alań uıymdastyrǵanyna rızashylyǵyn bildirdi jáne BUU-nyń Astanadaǵy kezdesý ıdeıasyn birinshi bolyp qoldaǵandyǵyn atap ótti.
Óz kezeginde Ábdirahmanov Qazaqstan BUU-yn Sırııa boıynsha kelissózderdi uıymdastyrý protsesiniń jetekshi qatysýshysy retinde qarastyratyndyǵyn jáne Astanada ótetin kezdesý Jeneva beıbit kelissózderiniń kezekti raýndyna daıyndyq barysyna oń úles bolatyndyǵyn atap ótti.
Taraptar kezdesýge daıyndyqtyń is júzindegi uıymdastyrýshylyq aspektilerin jan-jaqty talqylap, sırııalyq janjaldy retteý boıynsha belsendi kúsh-jigerdi jalǵastyrý qajettigin atap ótti.
Áńgimelesý barysynda Qazaqstannyń syrtqy saıasat vedomstvosynyń basshysy BUU-nyń arnaýly elshisine elimizdiń bitimgershilik bastamalary men BUU Qaýipsizdik Keńesine músheligi kezindegi qyzmetiniń basymdyqtaryn tanystyrdy.
Dál osy kúni Ábdirahmanov Iran Islam Respýblıkasy, Reseı Federatsııasy jáne Túrkııa Respýblıkasy degelatsııalarynyń basshylarymen kezdesip, Astanada sırııalyq retteý jónindegi halyqaralyq kezdesýge daıyndyqtyń túrli aspektilerin talqyǵa saldy.
