BUU-nyń shtab-páterinde dinder lıderleri seziniń tusaýkeseri ótti
Atalmysh jıynǵa delegatsııa ókilderi aǵymdaǵy jylǵy qazanda Astana qalasynda ótetin Álemdik jáne dástúrli dinder lıderleriniń VI sezine arnalǵan «Qaýipsiz álem úshin dinder lıderleri» taqyrybyndaǵy Arrıı formýlasyna sáıkes qatysqan bolatyn.
Іs-shara BUU Órkenıetter Alıansymen birlese otyryp Qazaqstan Respýblıkasynyń Birikken Ulttar Uıymynyń janyndaǵy Turaqty ókildigi tarapynan uıymdastyryldy.
BUU Órkenıetter Alıansynyń Joǵary ókili Nasır Ábdel Ázız An-Naserdyń jáne BUU janyndaǵy Qazaqstan Respýblıkasynyń Turaqty ókili Qaırat Omarovtyń tóraǵalyq etýimen ótken forýmǵa BUU Qaýipsizdik keńesine múshe memleketterdiń, úkimettik emes uıymdardyń ókilderi, «Dinder beıbitshilik úshin» dúnıejúzilik konferentsııasynyń Bas hatshysy Ýılıam Vendlı, BUU janyndaǵy Dinı úkimettik emes uıymdary komıtetiniń prezıdenti Svamı Parameshananda, «Ist park Sınagog» dinı kóshbasshysy Ravvın Artýr Shnaıer jáne basqalary qatysty.
Atalmysh otyrys BUU Órkenıetter Alıansynyń Joǵary ókili Nasır Ábdel Ázız An-Naserdiń BUU Bas hatshysy Antonıý Gýterrıshtyń atynan is-sharaǵa qatysýshalarǵa arnalǵan quttyqtaý sózimen ashyldy.
QR Din isteri jáne azamattyq qoǵam vıtse-mınıstri - Sezdiń maqsattary men mindetterin ilgeriletý jónindegi ýákili Berik Aryn QR Parlamenti Senatynyń Tóraǵasy, Álemdik jáne dástúrli dinder lıderleri sezi hatshylyǵynyń basshysy Qasym-Jomart Toqaevtyń atynan prezentatsııalyq baıandamamen sóz sóıledi.
B. Aryn qatysýshylardy Qazaqstannyń etnosaralyq jáne konfessııaaralyq kelisimdi qamtamasyz etýdegi tájirıbesimen tanystyra otyryp, BUU jáne basqa da halyqaralyq uıymdardyń mıssııasymen jáne basymdyqtarymen úndesken Álemdik jáne dástúrli dinder lıderleriniń sezin shaqyrý boıynsha Prezıdent N.Á.Nazarbaevtyń jahandyq bastamasy týraly tolyq aıtyp berdi.
Atap aıtqanda, vıtse-mınıstr óziniń 15 jyldyq tarıhynda Sezd árqashan kúrdeli jahandyq protsesterdiń shyńynda ótkizilgenine nazar aýdardy. Búgingi jaǵdaıda halyqaralyq qatynastarǵa degen senimniń joqtyǵy, jańa syn-tegeýrinder men qaýip-qaterlerdiń, jergilikti soǵystar men álemniń birneshe óńirlerindegi radıkaldy qozǵalystardy jandandyrýdyń paıda bolýyna baılanysty ekendigi aıtyldy. Sonymen qatar álemdegi qaýipsizdik pen turaqtylyqty qamtamsyz etý jolynda dinı lıderler men álemdik saıasatkerlerdiń kúsh-jigerin biriktirý qajettigi boıynsha máseleniń de ózekti ekendigi sóz boldy.
Osyǵan baılanysty BUU múshe-memleketter jáne halyqaralyq uıymdar tarapynan jahandyq deńgeıde dinaralyq dıalogty ilgeriletý isine kúsh-jiger úlesin qosýǵa múmkindik beretin atalǵan forýmnyń jumysyna belsendi qatysýlary arqyly Memleket basshysymyzdyń bastamasyn keńinen qoldaýǵa úmit artatynyn bildirdi.
Jalpy, is-sharaǵa qatysýshylar Qazaqstannyń belsendi syrtqy saıasatyn joǵary baǵalap, kún tártibindegi jahandyq ózekti máselelerdi talqylady, onyń ishinde Álemdik jáne dástúrli dinder lıderleriniń aldaǵy VI seziniń mazmundyq bóligi boıynsha qundy keńester men usynystar berildi. Sondaı-aq, qatysýshylar dinaralyq dıalogty ilgeriletý boıynsha da óz elderiniń tájirıbesimen jáne dinı ekstremızm men terrorızm problemalaryn sheshý, beıbit jáne turaqty qoǵam qurý jónindegi ózderiniń kózqarastarymen bólisti.
«Arrıı formýlasy» boıynsha otyrystar beıresmı túrde ótkiziledi. Olar BUU QK múshelerine ıkemdi rásimder negizin paıdalana otyryp, ashyq túrde pikir almasýǵa múmkindik beredi. Otyrystyń osyndaı formaty Venesýela elshisi Dıego Arrııdiń qurmetine atalǵan, ol bul praktıkany 1992 jyly BUU Qaýipsizdik keńesinde Vensýela ókili retinde qoldanǵan bolatyn (1992-1993 jyldary).
Sonymen qatar, issapar sheńberinde vıtse-mınıstr B.Arynnyń «Dinder beıbitshilik úshin» dúnıejúzilik konferentsııasynyń Bas hatshysy Ýılıam Vendlımen jáne BUU Órkenıetter Alıansynyń Joǵary ókili Nasır Ábdel Ázız An-Nasermen ekijaqty kezdesýleri ótkizildi.
Kezdesýlerde B.Aryn Sezd Hatshylyǵynyń Basshysy, QR Parlamenti Senatynyń Tóraǵasy Q.Toqaevtyń atynan VI Sezge qatysý úshin shaqyrý hattaryn tabystap, suhbattastardy aldaǵy forýmnyń kún tártibimen tanystyrdy, sondaı-aq Qazaqstannyń «Dinder beıbitshilik úshin» uıymymen jáne Órkenıetter Alıansymen yntymaqtastyǵyn damytý máselelerin talqylady.
Ý. Vendlı jáne N. An-Naser shaqyrýdy rızashylyqpen qabyldap, Sezd jumysyna ózderiniń qatysatyndyqtaryn jetkizdi.
