BUU-nyń Ortalyq Azııadaǵy óńirlik ortalyǵyna jetekshi taǵaıyndaldy

ASTANA. QazAqparat - BUU Bas hatshysy Antonıý Gýterrısh Moldovanyń burynǵy vıtse-premeri jáne Syrtqy ister mınıstri Natalıa Germandy BUU-nyń Ortalyq Azııa úshin preventıvti dıplomatııa jónindegi óńirlik ortalyǵynyń jetekshisi etip taǵaıyndady, dep habarlaıdy QazAqparat.

Bul ortalyqty buǵan deıin bolgarııalyq Petko Draganov basqarǵan. 

Natalıa German 25 jyldyq dıplomatııalyq qyzmeti barysynda óz elinde joǵary laýazymdarda istegen. Ol Aýstrııa jáne Skandınav araldaryndaǵy elshi, BUU-nyń Venadaǵy bólimshesinde Moldova ókili bolǵan, dep habarlaıdy halyqaralyq uıymnyń saıty .

Sonymen qatar, ony BUU Bas hatshylyǵynyń úmitkerligine de usynǵan.

BUU-nyń Ortalyq Azııa úshin preventıvti dıplomatııa jónindegi óńirlik ortalyǵy 2007 jyly Ashhabadta ashylǵan. Onyń mindeti dıalog pen kelissózder arqyly óńirdegi birqatar ózekti máselelerdiń sheshimin tabý.