15:35, 06 Tamyz 2022 | GMT +6
BUU-nyń ókili Taıaý Shyǵystaǵy jaǵdaıǵa alańdaýshylyq bildirdi
NUR-SULTAN. QazAqparat – Birikken Ulttar Uıymynyń Taıaý Shyǵystaǵy beıbitshilik úderisi boıynsha arnaıy úılestirýshisi Tor Venneslend Taıaý Shyǵystaǵy zorlyq-zombylyqtyń kúsheıýine, Gaza sektorynyń atqylanýyna alańdaýshylyq bildirdi. Bul týraly QazAqparat BUU jańalyqtary saıtyna silteme jasap habarlaıdy.
«Sońǵy birneshe saǵatta Izraıldiń áýe shabýyldarynan keminde on palestınalyq azamat qaza tapty. Osy ereýilder saldarynan bes jasar balanyń qaıtys bolǵany týraly habar qatty qynjyltty. Beıbit turǵyndarǵa jasalǵan shabýyldardy aqtaý múmkin emes», - dedi Venneslend.
BUU-nyń arnaıy úılestirýshisi jalǵasyp jatqan shıelenistiń óte qaýipti ekenin atap ótti. Ol zymyrandyq shabýyldardy dereý toqtatýǵa jáne odan ári zorlyq-zombylyqty boldyrmaýǵa shaqyrdy.
Eske salsaq, Izraıl qorǵanys kúshteri Gaza sektoryndaǵy ıslamshyl nysandarǵa áýeden soqqy jasady. Taıaý Shyǵystaǵy jaǵdaı ýshyǵa tústi.