BUU-nyń Qaýipsizdik keńesi Sırııadaǵy beıbit úderis boıynsha qarar qabyldady
ASTANA. QazAqparat - Djon Kerrı BUU-nyń qararyn Sırııadaǵy jaǵdaıdy retteý úderisindegi kezeń dep atady.
BUU-nyń Qaýipsizdik keńesi Sırııadaǵy beıbit úderisti qoldaý boıynsha qarar jobasyn biraýyzdan qabyldady. Qujat janjaldyń barlyq taraptaryn azamattyq turǵyndarǵa qarsy soǵys áreketterin toqtatýdy mindetteıdi.
Qararda sondaı-aq el bolashaǵy týraly sheshimdi tek Sırııa halqy qabyldaı alatyny atap ótilgen.
Qujatqa sáıkes, BUU Damask pen oppozıtsııa arasyndaǵy kelissózder úderisin uıymdastyrýdy ózine mindetteıdi, kelissózderdiń bastalýy 2016 jyldyń qańtar aıyna belgilengen.
AQSh Memlekettik hatshysy Djon Kerrıdiń aıtýynsha, qabyldanǵan qujat janjaldyń barlyq qatysýshylaryna «Sırııada adam óltirýdi toqtatý ýaqyty kelgenin» aıtyp otyr. Bul rette qararda Vashıngton otstavkasyn talap etip otyrǵan eldiń qazirgi prezıdenti Bashar Asad týraly eshteńe aıtylmaǵan.
