BUU-nyń Qaýipsizdik Keńesi KHDR ıadrolyq synaǵy boıynsha arnaıy májilis ótkizedi
ASTANA. QazAqparat - BUU-nyń Qaýipsizdik Keńesi 4 qyrkúıekte KHDR-nyń qurlyqaralyq ballıstıkalyq zymyranǵa oqtumsyq retinde paıdalanýylýy múmkin sýtegi zarıadyna qatysty májilis ótkizedi. Bul týraly TASS BUU janyndaǵy AQSh ókildiginiń saıtyna silteme jasap habarlaıdy.
«AQSh ókili Nıkı Heılı men onyń Japonııa, Frantsııa, Birikken Koroldik pen Koreıa Respýblıkasynan kelgen áriptesteri Soltústik Koreıanyń sońǵy ıadrolyq synaǵyna jaýap retinde Qaýipsizdik Keńesiniń ashyq, shuǵyl otyrysyn ótkizýge ótinish bergen. Májilis 4 qyrkúıekte saǵat 10-00-de ótedi»,-delingen habarlamada.
Halyqaralyq qoǵamdastyq KHDR-dyń 3 qyrkúıek kúni sýtegi zarıadyn synaqtan ótkizý áreketine nazar aýdardy. Vashıngton men Seýl Phenıannyń áreketine áskerı qımylmen jaýap berýi múmkindigin málimdedi.
