BUU-nyń halyqaralyq baıqaýshylar toby ózderiniń Sırııadaǵy mıssııasyna kiristi - Pan Gı Mýn
BRıÝSSELЬ. 16 sáýir. QazAqparat - BUU-nyń jáne Arab memleketteri lıgasynyń arnaıy ýákili Kofı Annannyń Sırııadaǵy daǵdarysty biryńǵaılaý boıynsha josparynyń oryndalý barysy monıtorıngin jasaıtyn BUU-nyń halyqaralyq baıqaýshylarynyń birinshi toby óziniń bul eldegi mıssııasyn oryndaýǵa kiristi.
Bul týraly Brıýsselde ótken baspasóz máslıhatynda BUU-nyń Bas hatshysy Pan Gı Mýn habarlady.
«Monıtorıngtik komandanyń alǵashqy toby keshe kelip úlgerdi. Olar jaǵdaıǵa baqylaý jasaý mıssııasyn iske asyrýǵa kiristi», - dedi Pan Gı Mýn.
Onyń aıtýynsha, baıqaý mıssııasyn kúsheıtý Sırııadaǵy zorlyq-zombylyqtyń toqtalýyna jáne janjal taraptaryn dıalogqa tartýǵa múmkindik beredi. Bul rette ol sırııalyq bılik kózderine barynsha sabyrlylyq tanytýǵa shaqyrdy.
BUU-nyń Bas hatshysy sondaı-aq alǵashqy toptyń sandyq quramy jaqyn bolashaqta 30 qarýsyz baıqaýshyǵa deıin ósiriletin habarlady. Budan basqa, BUU-nyń Qaýipsizdik keńesi aǵymdaǵy jyldyń 18 sáýirine qaraı naqty usynys daıyndaıdy, sonyń negizinde bul organ Sırııaǵa shamamen 250 adam quramyndaǵy tolyqqandy qarýsyz baıqaýshylar mıssııasyn jiberý sheshimin qabyldaıdy.
Osyǵan baılanysty Pan Gı Mýn sırııalyq bılik kózderin halyqaralyq baıqaýshylardyń qaýipsizdigin qamtamasyz etip, olarǵa júrp-turýynyń tolyq erkindigin usynýǵa shaqyrdy.
Esterińizge sala keteıik, ótken aptanyń sońynda BUU-nyń Qaýipsizdik Keńesi Sırııaǵa 30 baıqaýshydan turatyn alǵashqy topty jiberýdi kózdeıtin qarary qabyldady. Onda sırııalyq bılik kózderiniń baıqaýshylardyń el boıynsha kedergisiz qozǵalýyn qamtamasyz etýge jáne olarǵa qajet adamdardan jeke surastyrýǵa múmkindik berýge mindetti ekeni atap ótiledi. Budan basqa, qujatta sırııalyq bılik kózderin qalalar men eldi mekenderden búkil áskerdi shyǵarýǵa shaqyrdy. Eger Sırııa bul talaptardy oryndamasa, BUU-nyń Qaýipsizdik keńesi qajettilik týyndasa, odan ári tıisti sharalardy talqylaıtyn bolady.
