BUU-nyń Bas hatshysy Kot-d'Ivýardaǵy lańkestik áreketterdi synady

ASTANA. QazAqparat - BUU-nyń Bas hatshysy Pan Gı Mýn jeksenbi kúni Kot-d'Ivýar qalasy Gran-Bassamda jasalǵan lańkestik áreketterge syn aıtty. Óziniń jazbasha málimdemesinde ol «qurbandardyń otbasylaryna, sondaı-aq Kot-d'Ivýar halqy men úkimetine» kóńil aıtyp, qaıǵylaryna ortaqtasty.

Pan Gı Mýn sondaı-aq BUU-nyń Afrıka elderiniń turǵyndary men onyń bıligi «bul qylmystarǵa kinálilerdi ádil sotqa tartýǵa kúsh salýyna» qoldaý kórsetýge daıyn ekenin jetkizdi.

Jeksenbide Kot-d'Ivýardyń teńiz mańyndaǵy Gran-Bassam qalasynda alty sodyrdan turatyn top birneshe ǵımaratqa, sonyń ishinde Etoile du Sud qonaqúıi, sondaı-aq onyń qasynda ornalasqan meıramhanalar men dámhanalarǵa shabýyl jasady.

Bul shabýyl saldarynan 14 azamat pen kúsh qurylymdarynyń eki qyzmetkeri qaza tapty. Frantsııa bıliginiń málimetterinshe, qaza tapqandardyń arasynda kem degende bir frantsýz bar.