BUU-nyń Bas hatshysy Qazaqstannyń Syrtqy ister mınıstrimen kezdesti

ASTANA. QazAqparat - Pan Gı Mýn BUU-nyń Bas hatshysy retinde sońǵy jumys kúnin aıaqtady. Biraq ol óz eline, ıaǵnı Ońtústik Koreıaǵa tek kelesi jyly oralmaq. Óıtkeni búgin Pan Gı Mýn Nıý-Iork ortalyǵyndaǵy krıstal shardyń ashylý saltanatyna qatysady, dep habarlaıdy Habar 24 telearnasy.

Osy rette saıasatker uıym qyzmetkerleri men dıplomatııalyq ókildikterdiń ýákilderimen qoshtasyp, alǵysyn bildirdi. Buǵan deıin Bas hatshy Qazaqstannyń Syrtqy ister mınıstri Qaırat Ábdirahmanovpen de kezdesken edi. Ol mınıstrdi jańa qyzmetimen quttyqtap, Prezıdent Nursultan Nazarbaevtyń halyqaralyq beıbitshilik pen qaýipsizdikke qosqan úlesin joǵary baǵalady. Óz kezeginde mınıstr burynǵy basshyny EHRO-2017 kórmesine shaqyrdy.