BUU-nyń Bas hatshysy EQYU-ǵa múshe elderdi klımattyń ózgerýi máselesine basa nazar aýdarýǵa shaqyrdy
ASTANA. 1 jeltoqsan. QazAqparat /Arman Asqarov/ - Biz klımattyń ózgerýi máselesimen kúresý jolynda kúsh biriktirýimiz qajet.
Búgin Astanada bastalǵan EQYU Sammıtiniń resmı májilisinde BUU-nyń Bas hatshysy Pan Gı Mýn osylaı aıtty.
Birneshe kúnnen keıin osy másele Mehıko qalasynda talqylanatyndyǵyn atap ótken Pan Gı Mýn: «Qazirgi kezde osy másele boıynsha biraz qıynshylyqtardy sheshýge bolady. Onyń ishinde ormannyń joǵalýy, jańa tehnologııalardy engizý, sý jáne ekologııalyq resýrstardy tıimdi basqarý syndy máseleler búginde EQYU aımaǵynda da ózekti problemalarǵa aınalyp otyr. Aral teńiziniń tragedııalyq taǵdyry bizdi oılandyryp qana qoımaı, osy ispetti tehnogendik apattardyń aldyn alý jolynda tıisti is-sharalardy qolǵa alýǵa ıtermeleýi tıis. Biz klımattyń ózgerý máselesimen kúresý jolynda kúsh biriktirýimiz qajet», - dedi BUU-nyń Bas hatshysy.
