BUU-nyń Bas hatshysy Ebola bezgegi boıynsha is-qımyl mıssııasynyń jańa basshysyn taǵaıyndady

ASTANA. QazAqparat - BUU Bas hatshysy Pan Gı Mýn Mavrıtanııa ókili Ismaıl Ýld Sheıh Ahmedti Ebola bezgegine qarsy is-qımyl boıynsha dúnıejúzilik mıssııanyń jańa basshysy qylyp taǵaıyndady, dep habarlady TASS dúnıejúzilik uıymnyń baspasóz qyzmetine silteme jasaı otyryp.

«Ýld Sheıh Ahmed 2015 jyly Nıý-Iorkke qaıtyp oralatyn AQSh ókili Entonı Benberıdi aýystyrady», - delingen baspasóz qyzmetiniń taratqan habarlamasynda.

BUU Bas hatshysy Ebola bezgegine qarsy kúres boıynsha mıssııany qurý boıynsha sheshimdi osy jyldyń qyrkúıeginde qabyldady. Onyń shtab-páteri Ganada ornalasqan. Osy vırýstan áldeqaıda kóbirek zardap shekken Gvıneıa, Lıberııa men Serra-Leonda onyń ókildikteri bar.

Dúnıejúzilik densaýlyq saqtaý uıymynyń sońǵy málimetteri boıynsha, epıdemııa saldarynan Batys afrıkanyń úsh elinde 6 myń 388 adam qaza boldy, taǵy 18 myńy ınfektsııany juqtyrdy.